مثل العادي
عمنتمشّى، وكلّ النّاس الهون بتعرف
قمّة الخيال العلمي طقس سويدا بنصّ الليل!
مخلوقين وزهمة بردْ!!
تلاثتنا من نفس الحارة، كلّ جنون العالم فينا، ومش عارف شو فينا بعدْ!
مكركبين وعمنستنّى من غامض علمو تغييرْ
ممكن نتغيّر بالصّدفة، بقدرة قادر، إلها بالعادي وبتصيرْ
وعن سكتتنا، وعن سلبيتنا البتهوّي، وإنو الحق بيغلب بكرة؛
لا تطوش ربي بأفكارك، شبعان علاك وتنظير!
عادي والله الموضوع، الشغلة شغلة وقت وبس، وبكرة بتفهم وبتتذكر،
هالضّيف اعتدنا عا وجودو، منا وفينا هالتّعثيرْ!
لو فينا نلاقي شي شط نزتّ هالأحلام عليه
شي مينا نرسي عحفافو، غصن نجاص نجذف فيه
كل مالا الحالة عبتصعبْ ،
وقلوب النّاس التّلفاني ومش ناقصها عم تتغرّب
شو يعني رح نبقى هيك مبلكمين؟
كذب الحكّام ومفقرنا ومفرّقنا وخرسانين!!
حوّلونا لعبيدْ!
عايشين الدّنيا بالإسم، بمجراها ما إلنا إيدْ!!
ملعون العمر من جذورو لو بنّا نعيشو من بعيدْ
نسرق هالبسمة بالزّور، ونستنا النهاراللي جاي
بلكي بينشف هالتّعقيدْ!
بلكي بيخلص أو بيملّ وعالليلة لو نستفيدْ!!
اختنقنا والله من القهر، من الغمّ ومن ضيق الحالْ!
وحرّيتنا الفلتناها... ضيّعناها
عمرا ما تكون الحريّة، ومن أصلو بلا هالإرسالْ!
تماثيلا عبّت هالعالم، فرشوها بكل السّاحات
وعلى قفا مين يشيلْ،
يا حبيبي عالتّسطيل!!
هلكنا من اللفّ ووقّفنا،
وفتنا اشترينا بيرة من واحد بيسهر للصّبح بمحلو و عندو بيرة
وقعدنا وقتا شي ساعة ندردش عا حفة الرّصيفْ
مخلوقين ونسمة صغيرة وبيرة بتدوخ عالخفيفْ
كلّ ما اجتمعنا بالحارة وسالت عالأرض الأحلام
بسأل حالي:
شو بدّك ياخي بالأسبابْ، مين الودّى ومين الجابْ!!؟
كلا عالفاضي وحياتك وجعة راسك يا حبّابْ!!
خوفك والدّهشة بيتلاشو بس تكسر إجرك هالعتمة
وتبدا تعرف قصّة عمرك من البوابة للمحرابْ!!
لو نخسر أنفسنا فكرك رح نربح شي شغلة بعد؟
وأسهمنا بعيش الحياة وحقنا بالأحلام الحلوة
ما رح تتحصل بالسكوت ولا رح بيفيد التنهيف
مش طرش وجهل تعليفْ!
بلا اعتقالات وكل ساعة
واحد فايت على السجن وواحد طالع شكلو مغيّر مدري كيفْ
وهالأرض بتنزف تحتينا
والشجر بيكي علينا
نطفنا قلب الأكوان، كرهتنا والله الأرض
ومتل تلاميذ المدارس
ضحكة غبية وتكتيف
ملينا من النوم ولو
حاجتنا والله هلكنا
وهالشغلات العبتصيرخلتنا نتحول قردة
داخل على ربك طمني وقلي إنك حاسس متلي
بنوك العالم كلها زور وحروبن والله ِ زور
أنظمة العالم كلياتا
على جهل العالم مبنية وعسكوتك متل الأليف
دخيلك بلا هالتعفيسْ
تبع الخطابات الرنانة وإنو دمك فدى سلطان
مين ما كان
ما حدا أحسن منك خيي
شدلي حيلك واتنشط وشوف الدنيا من صمتك وخنوعك كيف
ناس بتفطس من الجوع ومن الحرب
وناس بتركض عالمناظرعالأمان وعالتزييف وعالتنحيف!!
يا أموراً يا لطيف!!
عمنتمشّى، وكلّ النّاس الهون بتعرف
قمّة الخيال العلمي طقس سويدا بنصّ الليل!
مخلوقين وزهمة بردْ!!
تلاثتنا من نفس الحارة، كلّ جنون العالم فينا، ومش عارف شو فينا بعدْ!
مكركبين وعمنستنّى من غامض علمو تغييرْ
ممكن نتغيّر بالصّدفة، بقدرة قادر، إلها بالعادي وبتصيرْ
وعن سكتتنا، وعن سلبيتنا البتهوّي، وإنو الحق بيغلب بكرة؛
لا تطوش ربي بأفكارك، شبعان علاك وتنظير!
عادي والله الموضوع، الشغلة شغلة وقت وبس، وبكرة بتفهم وبتتذكر،
هالضّيف اعتدنا عا وجودو، منا وفينا هالتّعثيرْ!
لو فينا نلاقي شي شط نزتّ هالأحلام عليه
شي مينا نرسي عحفافو، غصن نجاص نجذف فيه
كل مالا الحالة عبتصعبْ ،
وقلوب النّاس التّلفاني ومش ناقصها عم تتغرّب
شو يعني رح نبقى هيك مبلكمين؟
كذب الحكّام ومفقرنا ومفرّقنا وخرسانين!!
حوّلونا لعبيدْ!
عايشين الدّنيا بالإسم، بمجراها ما إلنا إيدْ!!
ملعون العمر من جذورو لو بنّا نعيشو من بعيدْ
نسرق هالبسمة بالزّور، ونستنا النهاراللي جاي
بلكي بينشف هالتّعقيدْ!
بلكي بيخلص أو بيملّ وعالليلة لو نستفيدْ!!
اختنقنا والله من القهر، من الغمّ ومن ضيق الحالْ!
وحرّيتنا الفلتناها... ضيّعناها
عمرا ما تكون الحريّة، ومن أصلو بلا هالإرسالْ!
تماثيلا عبّت هالعالم، فرشوها بكل السّاحات
وعلى قفا مين يشيلْ،
يا حبيبي عالتّسطيل!!
هلكنا من اللفّ ووقّفنا،
وفتنا اشترينا بيرة من واحد بيسهر للصّبح بمحلو و عندو بيرة
وقعدنا وقتا شي ساعة ندردش عا حفة الرّصيفْ
مخلوقين ونسمة صغيرة وبيرة بتدوخ عالخفيفْ
كلّ ما اجتمعنا بالحارة وسالت عالأرض الأحلام
بسأل حالي:
شو بدّك ياخي بالأسبابْ، مين الودّى ومين الجابْ!!؟
كلا عالفاضي وحياتك وجعة راسك يا حبّابْ!!
خوفك والدّهشة بيتلاشو بس تكسر إجرك هالعتمة
وتبدا تعرف قصّة عمرك من البوابة للمحرابْ!!
لو نخسر أنفسنا فكرك رح نربح شي شغلة بعد؟
وأسهمنا بعيش الحياة وحقنا بالأحلام الحلوة
ما رح تتحصل بالسكوت ولا رح بيفيد التنهيف
مش طرش وجهل تعليفْ!
بلا اعتقالات وكل ساعة
واحد فايت على السجن وواحد طالع شكلو مغيّر مدري كيفْ
وهالأرض بتنزف تحتينا
والشجر بيكي علينا
نطفنا قلب الأكوان، كرهتنا والله الأرض
ومتل تلاميذ المدارس
ضحكة غبية وتكتيف
ملينا من النوم ولو
حاجتنا والله هلكنا
وهالشغلات العبتصيرخلتنا نتحول قردة
داخل على ربك طمني وقلي إنك حاسس متلي
بنوك العالم كلها زور وحروبن والله ِ زور
أنظمة العالم كلياتا
على جهل العالم مبنية وعسكوتك متل الأليف
دخيلك بلا هالتعفيسْ
تبع الخطابات الرنانة وإنو دمك فدى سلطان
مين ما كان
ما حدا أحسن منك خيي
شدلي حيلك واتنشط وشوف الدنيا من صمتك وخنوعك كيف
ناس بتفطس من الجوع ومن الحرب
وناس بتركض عالمناظرعالأمان وعالتزييف وعالتنحيف!!
يا أموراً يا لطيف!!
ليست هناك تعليقات:
إرسال تعليق